أسئلة شائعة
الأسئلة اللي بتجينا كتير من أصحاب المحلات والكاشيرية.
بتقروا إشعارات أي بنوك؟
26 بنك سوداني، والقائمة بتزيد:
Bankak
Fawry
O-Cash
عرض كل البنوك (26)عرض أقل
Sahil
Cashi
Bravo
SyberPay
Zain Cash
Sudani Pay
MTN Amwal
أسئلة عامة
يعني شنو ScanSave؟
تطبيق للمحلات. لما الزبون يوريك إشعار التحويل، تصوّره، والتطبيق يقرأ المبلغ والبنك ورقم العملية في ثواني، وينبّهك لو الإشعار مكرر أو مزوّر أو التحويل ما اكتمل.
هل بيأكد إن القروش وصلت حسابي؟
لا. التطبيق ما بيشوف حسابك البنكي. «سليم» معناها الإشعار نجح في الفحص بس. وصول القروش تتأكد منه من تطبيق البنك، وفي شاشة «المطابقة» تعلّم على اللي وصل فعلاً.
بيشتغل في الآيفون؟
التطبيق حالياً لأندرويد. في الآيفون أو الكمبيوتر صاحب المحل والمدير يقدروا يستعملوا لوحة التحكم من المتصفح.
الإشعارات والفحص
بيكشف شنو بالضبط؟
الإشعار المكرر (نفس رقم العملية أو نفس الصورة)، والتحويل لحساب ما حقك، والتحويل الفاشل أو المعلّق، والإشعار القديم، والصورة المعدّلة.
طلع لي «محتاج مراجعة»، أعمل شنو؟
ما تسلّم البضاعة قبل ما تتأكد من تطبيق البنك. السبب مكتوب تحت التنبيه، والمدير يقدر يقبل الإيصال أو يرفضه.
التطبيق قرا المبلغ غلط.
عدّل المبلغ في شاشة التأكيد قبل الحفظ. المبلغ اللي يأكده الكاشير هو المعتمد.
الزبون رسل لي الإشعار في واتساب.
اضغط ضغطة طويلة على زر الكاميرا واختار الصورة، أو كذا صورة مع بعض، من المعرض.
التطبيق ما قدر يقرا الإشعار.
شغّل النت: القراءة الذكية بتقراه وبتتعلّم شكله عشان المرة الجاية يتقري بدون نت. ولو مستعجل، أدخل المبلغ يدوياً والتطبيق بيعلّم الإيصال «لم يُقرأ آلياً».
التطبيق
بيشتغل بدون نت؟
أيوه. بيقرأ الإشعار ويحفظه في الهاتف، ويرفعه براهو لما النت يرجع. بس أول تسجيل دخول محتاج نت.
أضيف كاشير أو فرع جديد كيف؟
من الحساب ← الموظفين، أو الحساب ← الفروع. وممكن من لوحة التحكم برضو. العدد حسب باقتك.
أرسل الإيصالات للمحاسب كيف؟
في قائمة الإيصالات اضغط زر المشاركة جنب الفلتر، واختار Excel أو PDF، وأرسله في واتساب أو الإيميل.
موظف ضاع منه التلفون.
من لوحة التحكم ← الأجهزة ألغِ الجهاز ده. الدخول منه بيقيف فوراً، وبيانات التطبيق فيه بتتمسح أول ما يتصل بالنت.
الاشتراك والدفع
في تجربة مجانية؟
أيوه، 7 أيام لأي محل جديد، وما محتاج أي بيانات دفع.
أدفع الاشتراك كيف؟
من «الاشتراك والدفع»: اختار الباقة، حوّل المبلغ لواحد من حساباتنا الظاهرة، وارفع صورة الإشعار.
الاشتراك بيتفعّل متين؟
بعد ما نتأكد إن المبلغ وصل، وغالباً خلال ساعات. بيجيك إيميل، والتطبيق بيتحدّث براهو. ولو رفضنا الطلب بنكتب ليك السبب.
لو الاشتراك انتهى؟
الخدمة بتستمر 3 أيام وبعدها بتقيف، لكن بياناتك كلها محفوظة. صاحب المحل يقدر يدخل لوحة التحكم ويجدد في أي وقت.
لو جددت بدري بخسر أيام؟
لا. المدة الجديدة بتبدأ من نهاية الحالية.
الحساب والأمان
أسجّل محلي كيف؟
من «سجّل متجرك»: اكتب اسمك واسم المحل والتلفون والإيميل وكلمة سر، وأدخل الرمز اللي بيجيك في الإيميل. أو ادخل بحساب Google.
نسيت كلمة السر.
اضغط «نسيت كلمة المرور؟» واكتب إيميلك، بيجيك رمز تعمل بيهو كلمة سر جديدة. الكاشير اللي ما عنده إيميل، صاحب المحل بيغيّر ليه كلمة السر.
منو بيشوف إيصالات محلي؟
صاحب المحل بيشوف كل شيء، والمدير فرعه، والكاشير إيصالاته بس. ولا محل بيشوف بيانات محل تاني.
أقفل حسابي كيف؟
صدّر بياناتك لو عايزها، وبعدها من التطبيق: الحساب ← حذف الحساب، أو من صفحة scansave.space/account/delete. بنحذف الحساب خلال 30 يوم.